وقالوا زمان
وقالوا زمان قرايبك سندك وضهرك
وضهري ماتوجعش غير من منهم
دا وجع الدهر بيموت
ووجع القرب ضيم وهم
امد الايد عشان اربط
ويتقطع على أيديهم كل حبل يضم
حبال الود موجودة بس مطوية
شايلهم للزمان انواع
حبل الحب والقربة
وحبل الجيرة والصحبة
وحبل الدم
يوماتي ينقطع حبلين
ميمنعنيش عنيكم غير سببين
حساب الرب أولهم
وتانيهم وصية أم
وشكلي خلاص نسيت أمي
وصية وراحت امعاها
خلفتوا العهد وياها
مجاتش علي يعني ياعم
فلموا الدور بلاش غضبي
عشان بيروح خلاص ادبي
وكرباجي نزوله بدم
#شحاته_العكرمي
تعليقات
إرسال تعليق
شكرا لذوقك الرفيع