بيت عواد

 يعني حبكت 

يعني حبكت بيت عواد 

نص قراط اتبنى بالدم 

قولت اسيب حاجة للواد

اهو تمنعه من حوجة العم

كل سنين عمري وانا اتفتف

تمن الطوب واسمنت ورمل 

يوم مابنيه وارتاح لي شوية 

وابدأ اشيل من كتفي الحمل 

تيجوا تهدوا شقاي وتعبي 

هيروح فين م العش النمل

ابقوا كمان هدوا الجبانة 

يعني هتيجي على الاموات 

عشت طريد بكرامة متهانة

لما نموت عنعيش بشوات؟؟!!

هد ياعم وهد كمان 

طربق على روسنا الجدران 

وان جه مرة حد ويرفض

تهمته جاهزة ...اكيد اخوان 

بس ياريت لو جيتوا تاخدوه 

تقدروا تلقوله عنوان ...

#شحاته_العكرمي